Një 49-vjeçar ka përfunduar në prangat e policisë, pasi akuzohet se me anë të një thike ka terrorizuar një familje në Tiranë. Bëhet e ditur se i arrestuari është shtetasi me inicialet Z. I.
Policia ka njoftuar se tashmë materialet hetimore në lidhje me këtë ngjarje i kanë kaluar prokurorisë pranë Gjykatës së Parë në Tiranë.
“Specialistët për Hetimin e Krimit në Komisariatin e Policisë Nr. 4 bënë arrestimin në flagrancë të shtetasit Z. I., 49 vjeç, pasi ka kanosur me një mjet prerës familjen e shtetasit G. E.
Materialet i kaluan Prokurorisë pranë Gjykatës së Shkallës së Parë Tiranë, për veprime të mëtejshme”, thuhet në njoftimin e policisë.
