Me kokën ulur, i penduar dhe i përlotur Marjus Dema dhe 4 miqtë e tij kanë dalë para gjykatës për tu njohur me masën e sigurisë për vrasjen e Mehmet Qemës, në fillimin e kësaj jave në lagjen 5 Maji në Tiranë.
Demën prokuroria e akuzon për 2 vepra penale vrasje me dashje dhe fshehje e provave të ngjarjes ndërsa 4 të tjerët për moskallëzim krimi.
Pritet që Dema të lihet në burg, ndërsa miqtë e tij mund të lihen të lirë, por vendimi zyrtar pritet të merret sot nga gjykata.
Të rinjtë pretendojnë se ngjarja ka qenë aksidentale, ndërkohë që prokuroria nuk është e të njëjtit mendim, pasi ka dyshime që krimi të jetë kryer ndërsa të rinjtë kanë qenë nën efektin e alkoolit.
