Një polic i Policisë së New York akuzohet për vrasjen e djalit të tij autik 8-vjeçar duke e mbyllur atë në garazh, ku temperaturat ishin shumë të ulëta derisa vogëlushi ndërroi jetë.
41-vjeçari Michael Valva, qau në gjyq teksa pastruesja e shtëpisë Tyrene Rodriguez
tregoi se si ai e mbylli të birin Thomas Valva në garazh në temperaturën -7 gradë celsius.
Thomas Valva, i diagnostikuar me spektrin e autizmit, dyshohet se është rrahur, lënë pa ngrënë dhe e kanë mbyllur në garazhin jashtë shtëpisë së tyre në Long Island.
Ai vdiq nga hipotermia pasi dyshohet se u detyrua të flinte në garazh në temperatura shumë të ulëta, pasi urinoi në pizhame.
