Gazetari investigativ Artan Hoxha ka komentuar dënimin e ish-kryeprokurorit Adriatik Llalla. Në një status në profilin e tij në Facebook, Hoxha shkruan se tashmë Presidenti Ilir Meta e ish-kryeministri Sali Berisha nuk e mbrojnë dot sepse kanë hallet e tyre, edhe pse ai gjatë kohës që ishte kryeprokuror u mbylli shumë dosje korrupsioni duke prishur edhe hetime të tjera.
Tani, sipas gazetarit Hoxha meqë Llalla është i pari zyrtar i lartë i ndëshkuar, të tërheqë këmbën zvarrë dhe të marrë me vete shefat e tij.
“Me krah te lehta kryeprokuror i Republikes. Vendimi u dha nen monitorimin e perfaqesuesve të SHBA në sallen e gjyqit…Tani, ata qe të vune aty(Berisha+Meta) dhe të perdoren si kamikaz për penguar sa kishe mundesi, nje projekt amerikan, nuk te mbrojne dot se jane te zene me hallet e tyre. Edhe pse në fakt u mbylle aq shume dosje korrupsioni dhe i mbrojtje stoikisht, duke prishur shume hetime të vartesve të tu…Ne fakt ti nuk hetove askend, as ata qe kishin qeverisur Shqiperine, as ata qe po e qeverisin Shqiperine…Meqe je i pari i ndeshkuar në kete fllad ndryshimesh, hiqe kemben zvarre dhe merri me vete dhe shefat e tu…Kush e ka radhen???!!”- shkruan Hoxha.
Gjykata e Posaçme Kundër Korrupsionit dhe Krimit të Organizuar dënoi sot me 2 vite burg ish-kryeprokurorin e Përgjithshëm, Adriatik Llalla dhe vendosi që për 5 vite ai të mos mbajë poste publike. GJKKO i vendosi sekuestro pasurisë s ish-kryeprokurorit. Vendimi i GJKKO do të shkojë në Apel, i cili ose do të lërë në fuqi vendimin e shkallës së parë, ose do të marrë një vendim të ri. Avokati i Llallës, Sokol Hazizaj është shprehur se e gjithë çështja është një farsë, duke shtuar më tej se klienti i tij ka marrë dhe para borxh për të ikur në Gjermani kur u kërcënua.
