Përdhunimi i 15-vjeçares në Mirditë nga pesë persona, ka tronditur mbarë opinionin publik. Siç u raportua në media ngjarja ka ndodhur në qytetin e Rrëshenit, në periudhën janar-prill të këtij viti, por rasti është denoncuar nga e mitura vetëm mbrëmjen e së hënës së kësaj jave.
Sipas Policisë, specialistët për Hetimin e Krimit në Komisariatin e Policisë Mirditë kanë arrestuar shtetasit, Artan Kaçorri 31 vjeç, Albert Molla 27 vjeç, Ermal Tarazhi 30 vjeç, Nikë Lleshi 44 vjeç dhe shtetasin e mitur me iniciale A.Gj., 17 vjeç që të pestë banues në fshatin Tarazh të Mirditës. Këta shtetas dyshohet se në bashkëpunim me njëri-tjetrin, me anë të shantazheve, kanë kryer marrëdhënie seksuale me dhunë gjatë periudhës janar-prill të këtij viti, me një shtetase 15- vjeçare banuese në Tarazh.
Dyshohet se 15-vjeçarja ka patur lidhje me njërin nga 5 personat. Ai i ka bërë video dhe më pas e ka shantazhuar dhe e ka detyruar që të kryejë marrëdhënie me persona të tjerë që prej muajit janar. Së fundmi në rrjet janë publikuar edhe fotot e pesë autorëve që abuzuan me 15-vjeçaren.
