Një regjisor iranian është vrarë brutalisht nga prindërit e tij, vetëm se nuk ishte martuar ende.
Babak Khorramdin, që jetonte prej disa vitesh në Londër, është vrarë dhe është copëtuar nga prindërit e tij.
47-vjeçari u rikthye në Iran dhe u konfliktua me të atin se pse nuk ishte martuar ende.
Babai e ka pranuar krimin dhe ka thënë se e theri të birin dhe gjymtyrët ia hodhi në plehra.
Krimi ka ndodhur për çështje nderi, ndërsa dy prindërit janë arrestuar nga policia.
Viktima kishte studiuar në Fakultetin e Arteve në Tehran dhe kishte një master për kinema.
Ai ka bërë disa filma të shkurtër në Londër, ku u zhvendos për të jetuar pasi mbaroi studimet.
