Kryedemokrati Lulzim Basha, ka dorëzuar formularin e kandidimit për zgjedhjet e brendshme të 13 Qershorit, për kreun e forcës politike që ai drejton.
Aktualisht për kreun e PD-së kandidaturat e dorëzuara janë Lulzim Basha, Fatbardh Kadilli dhe Edith Harxhi, ndërkohë që nesër pritet të depozitojnë kandidimin Ibsen Elezi dhe Lisandër Hoxha.
Ditën e dielë në orën 18:00 pritet të mbahet mbledhja e Kryesisë, ku pritet të vendoset mbi kandidatët dhe modalitetet e garës për zgjedhjen e kreut të ri të PD-së.
Humbja e zgjedhjeve të përgjithshme parlamentare të 25 Prillit, ka bërë që Partia Demokratike të futet në një proces zgjedhor të brendshëm me fraksione dhe grupime të ndara që kërkuan dorëheqjen e kryedemokratit aktual Basha dhe respektimin e statutit të partisë.
