Policia në Katalunja është duke hetuar shkakun e vdekjes së burrit që është gjetur në statujën e një dinozauri.
Besohet se burri i pafat kishte tentuar të marrë telefonin e tij që i kishte rënë brenda, dhe se kishte ngecur brenda skulpturës.
Policia në afërsi të Barcelonës, u njoftua pasi kishin parë trupin e pajetë të burrit.
“Ata gjetën trupin e pajetë të burrit në këmbën e dinozaurit. Bëhet fjalë për një rast të pazakontë. Deri më tani nuk ka shenja dhune, por se burri kishte ngecur në këmbën e dinozaurit”, ka bërë të ditur policia.
Policia nuk ka dyshime se 39-vjeçari mund të jetë mbytur nga dikush. Gjithçka me sa duket ndodhi kur ai tentoi të marrë telefonin që i kishte rënë.
Ishte futur përmes kokës së dinozaurit dhe kishte mbetur i bllokuar brenda.
Mediat lokale raportojnë se ai kishte qëndruar brenda për disa ditë, dhe se familjarët e tij kishin raportuar në polici zhdukjen e tij vetëm pak orë para se të gjendej trupi i pajetë.
