Antonio Conte nuk është më trajneri i Inter-it.
Klubi dhe tekniku kanë vendosur të ndahen në mirëkuptim.
Trajneri kërkonte 9 milionë euro për ndërprerjen e parakohshme të kontratës, por marrëveshja është arritur për 7.5 milionë.
Komunikata për shtyp e Inter:
“FC Internazionale Milano komunikon se ka gjetur marrëveshjen për prishjen e dyanshme të kontratës me trajnerin Antonio Conte. I gjithë Klubi dëshiron të falënderojë Antonio-n për punë e jashtëzakonshme të bërë, që ka arritur kulmin me fitoren e titullit të 19-të. Antonio Conte do të mbetet përgjithmonë në historinë e klubi”.
? | COMUNICATO
Comunicato ufficiale di FC Internazionale Milano ? https://t.co/YzFQWhPqdZ
— Inter ??? (@Inter) May 26, 2021
Conte mbërriti në stolin e Interit më 31 maj 2019, duke zëvendësuar Luciano Spallettin e shkarkuar dhe pas dy sezoneve në krye të zikaltërve, ai e mbylli aventurën me fitoren e titullit kampion.
Tashmë zikaltërit duhet të zgjedhin një trajner të ri dhe emrat më të lakuar janë ata të Allegrit, Inzaghit, Sarrit dhe Mihajlovic, por mesa duket në krye të listës qëndron Max Allegri.
