Pranoi ekzekutimin e Armando Beqirit/ Zbulohet roli i të dashurës së Angjelin Stërkaj

113 563 lexime

106,048FansaPëlqeje

Sipas aktakuzës së prokurorit të rrethit, ekzekutimi i Armando Beqirit në Islandë ishte planifikuar me detaje dhe lëvizjet e tij u monitoruan natën kur ai u vra. Në seancën gjyqësore të zhvilluar ditën e djehsme janë marrë edhe 4 të pandehur të tjerë, ndërsa autori kryesor i vrasjes është Angjelin Stërkaj i cili ka pranuar në gjykatë se ai ishte vrasësi kryesor i cili ka qëlluar në drejtim të Armando Beqirit.

Ndërkohë, tashmë raportohet se edhe një femër është e përfshirë tek 4 të pandehurit, për të cilën thuhet se është e dashura e Angjelin Stërkajt. Burime bëjnë me dije se ajo është udhëzuar nga një prej të pandehurve që të monitorojë makinat në pronësi të Armando Beqirit, ditën kur ai u qëllua për vdekje pranë shtëpisë së tij. Të pandehurit janë të gjithë me origjinë të huaj, por kanë jetuar në Islandë për disa kohë.

Ndër të tjera, në aktakuzë thuhet se një i pandehur me emrin Murat Selivrada udhëzoi gruan, Claudia Sofia Coelho Carvalho që të dërgonte një mesazh përmes Messenger-it në momenetin që makinat e Armando Beqirit do të lëviznin. Sipas aktakuzës, ajo po ndiqte dy makinat dhe informoi të pandehurin e tretë, Shpëtim Qerimin, sapo Armando u largua nga banesa. Qerimi kishte qarkulluar me makinë me Angjelin Stërkajn pak para mesnate. Prokurori thotë se ata e ndaluan makinën afër cepit të Rauðagerði dhe Borgargerði.

Raportohet se Angjelini ishte fshehur në një garazh dhe kur Armando doli nga garazhi pranë shtëpisë së tij pasi parkoi makinën, Angjelini e qëlloi atë nëntë herë në trup dhe kokë me një pistoletë Sig Sauer të kalibrit 22. Pastaj ai i dha Shpëtim Qerimit një sinjal i cili më pas e mori atë me makinë dhe së bashku u drejtuan për në Varmahlíð në Skagafjörður. Angjelin është i vetmi që ka rrëfyer vrasjen e Armandos. Ai ka qenë në paraburgim që nga arrestimi i tij në mes të shkurtit.

Lexo edhe :  Priten ndryshime në Policinë e Shtetit, drejtori i ri njofton konferencë për shtyp

Kujtojmë se Armando Beqiri u ekzekutua me pistoletë silenciator më 13 shkurt në derë të shtëpisë, rreth orës 23:57 sapo ishe kthyer në shtëpi dhe kishte parkuar makinën. Beqiri jetonte prej vitesh në Islandë dhe ishte pronar i një kompanie sigurie fizike që në shumë pak kohë kishte arritur një sukses të mënjëhershëm. 33 vjeçari nga Tepelena la pas gruan e tij shtatzënë dhe një djalë të vogël, të cilët ishin në shtëpi kur ai u qëllua.


Të fundit

Zjarr në Vlorë, flakët shkrumbojnë stallën me jonxhë

Një stallë me jonxhë është përfshirë nga flakët në afërsi të fshatit Cerkovinë, në Vlorë. Jonxha ishte e magazinuar në...

Përfshihet nga flakët lokali në Elbasan, raportohet për dëme materiale

Një lokal në rrugën “Rinia”, pranë Universitetit “Aleksandër Xhuvani”, në qytetin e Elbasanit, është përfshirë nga flakët rreth orës 21:00 të kësaj të premteje. Zjarri,...

Tre tërmete në tetë minuta, Kreta nuk gjen qetësi

Tre tërmete të njëpasnjëshme kanë tronditur Kretën mbrëmjen e sotme në vetëm 8 minuta. Lëkundja më e fortë ishte 3.9 e shkallës rihter 10...

Kush ishte ambasadori amerikan në Tiranë në vitin 1933 që kishte 5 profesione

Nga Roland Qafoku  Ky eshte George Post Wheeler, ministri i SHBA-se ne Shqiperi ne vitin 1933-1934. Shikoni çfare prezence, çfare klasi, çfare hijeshie. Diplomat, prozator,...

Veliaj për Sarajet e Toptanëve: U sqarua njëherë e mirë kush e ruan e kush e djeg për politikë trashëgiminë e Tiranës

Dy muaj pasi iu vu zjarri qëllimisht, qeveria ka aprovuar shpronësimin e Sarajeve të Toptanëve dhe kjo godinë tashmë do të përdoret për artin dhe kulturën. Kryetari...

Lajme të tjera

Web TV