Balla viziton manastirin e “Shën Joan Vladimirit” në Shijon: Elbasani është kryeqyteti i bashkëjetesës ndërfetare

113 563 lexime

106,048FansaPëlqeje

Kryetari i Grupit Parlamentar të Partisë Socialiste, Taulant Balla vizitoi sot manastirin e “Shën Joan Vladimirit” në Shijon, Elbasan, ku përcolli mesazhe për nevojën për bashkëpunim në politikën shqiptare.

Në fjalën e tij Balla tha se Manastiri i “Shën Joan Vladimirit” është mikpritës i pelegrinazhit të besimtarëve ortodoksë nga gjithë Ballkani, ndërkohë që tani ndodhen edhe lipsanet e shenjtorit.

“Me vendosjen e lipsaneve ftoj të gjithë besimtarët ta vizitojnë këtë vend të shenjtë, vend i krenarisë sonë në aspektin e traditës qindravjeçare të besimit të krishterë në Shqipëri. Gjej rastin të falënderoj autoritetet më të larta dhe ato vendore të komunitetit ortodoks për ruajtjen dhe vijimësinë e kësaj tradite”, deklaroi Balla.

Me tej gjatë fjalës së tij Balla theksoi se “Elbasani është kryeqyteti i bashkëjetesës ndërfetare dhe ne kemi detyrimin që në frymën e kësaj bashkëjetese fetare të punojmë të gjithë së bashku pa asnjë dallim në të mirë të zhvillimit të kësaj zone”.

“Propozimi im ndaj kishës është që pelegrinazhi të jetë 1 javë. Këtu vijnë besimtarë të krishterë nga Mali i Zi, Greqia e Bullgaria. Shën Joan Vladimiri është simbol i mirëfilltë i asaj që ne në Ballkan duhet të kemi, modele të bashkëjetesës dhe integrimit. Modeli i integrimit europian duhet të na orientojë të gjithëve”, tha Balla, ndërsa kërkoi që të rriten kapacitetet akomoduese në këtë destinacion të shenjtë dhe kulturor për qarkun e Elbasanit.

Balla iu përgjigj edhe deklaratës së sotme të Presidentit Meta nga ky manastir, ndërsa tha se, “Zoti fal vetëm mëkatet shpirtërore, jo ato ligjore”.

“Apeli im është se do të doja që këtu me mua të ishin edhe kolegët e PD-së, ftesa ime të vijnë ta vizitojnë Manastirin e Shën Joan Vladimirit. Këtu sot bashkë me ne janë besimtarë nga Mali i Zi dhe Serbia. Siç na bashkon ky shenjt, duhet të bashkohemi brenda politikës shqiptare dhe mbi të gjitha brenda këtij rajoni”, tha ai.


Të fundit

Nga 9 qershori mund të udhëtoni drejt Francës, ja kushtet që duhet të plotësoni

Qytetarët e bllokut europian të cilët janë vaksinuar, do të mund të udhëtojnë nga 9 qershori drejt Francës pa...

Balla viziton manastirin e “Shën Joan Vladimirit” në Shijon: Elbasani është kryeqyteti i bashkëjetesës ndërfetare

Kryetari i Grupit Parlamentar të Partisë Socialiste, Taulant Balla vizitoi sot manastirin e “Shën Joan Vladimirit” në Shijon, Elbasan, ku përcolli mesazhe për nevojën...

Enca “tradhtohet” nga çarçafi , zbulohet me shumë seç duhet

Enca Haxhia është një nga këngëtaret më të përfolur e të pëlqyer te fansave në Shqipëri. Ajo, nuk pëlqehet vetëm për këngët që shpejt kthehen...

Publikohen kërkesat për të udhëtuar drejt Spanjës pa kufizime

Duke filluar nga e hëna, udhëtarët e vaksinuar nga e gjithë bota do të jenë në gjendje të hyjnë në Spanjë, jo vetëm evropianët....

Fitoi mandatin e tretë/ Sekretari Blinken uron Kryeministrin Rama: Zgjedhjet treguan gatishmërinë për të hapur negociatat

Pas fitores së mandatit të tretë në zgjedhjet e 25 prillit, Kryeministrit Rama i ka ardhur një mesazh urimi nga Sekretari amerikan i Shtetit...

Lajme të tjera

Web TV