Britania e Madhe ka dhënë “dritën jeshile” për vaksinimin e adoleshentëve mbi moshën 12 vjeçare për Covid-19 nga kompania Pfizer.
Autoriteti Rregullator për medikamente dhe Produkte Shëndetësore (MHRA) ka aprovuar përdorimin e vaksinës Pfizer tek fëmijët e moshës 12-15 vjeç.
Vendime të ngjashme janë marrë tashmë nga autoritetet shëndetësore amerikane dhe kanadeze si dhe nga shtetet e Bashkimit Europian.
Italia miratoi më 31 qershor përdorimin e vaksinës Pfizer-BioNTech për fëmijët e moshës 12-15 vjeç.
Nga 7 qershori, fëmijët e moshës 12-16 vjeç në Gjermani do të mund të vaksinohen.
Po ashtu në të njejtën datë do tu jepet mundësia e vaksinimit fëmijëve nga 12-15 vjeç në Poloni.
Në Lituani vaksinimi i fëmijëve mbi 12 vjeç nis në qershor, ndërsa në Estoni vaksinimi i adoleshentëve pritet të fillojë në vjeshtë.
Ndërkohë në Rumani kryeministri deklaroi se vaksinimi i fëmijëve nga 12 vjeç do të nis nga 1 qershori.
Austria sipas mediave lokale planifikon të vaksinojë 340,000 fëmijë të moshës 12-15 vjeç deri në fund të gushtit.
