Media greke analizon vrasjen e shqiptarit në mes të Athinës

113 563 lexime

106,048FansaPëlqeje

Gazeta greke “kathimerini” ka analizuar vrasjen e shtetasit shqiptar. Të dielën e kaluar, 34-vjeçari Aris Papa, po pinte kafe në Kayak, Sepolia në momentin kur një burrë i maskuar e qëlloi atë pesë herë në kokë dhe gjoks. Siç raporton media greke kjo nuk është hera e parë që persona të armatosur kanë tentuar të vrasin shqiptarin. 34 vjeçari i ka mbijetuar një atentati në vitin 2009 ku u qëllua me gjashtë plumba.

Vrasja e shqiptarit, si ajo e boksierit grek 39-vjeçarit Tassos Berdesis, njëzet e katër orë më vonë në Vari, janë hallkat e fundit në zinxhirin e vrasjeve që kanë tronditur opinionin publik grek. Këto janë vrasje me pagesë  dhe është e disi e pamundur të mendosh që nuk kanë lidhje me njëra-tjetrën.

Pas atentatit të fundit ndaj Papës në shkurt të këtij viti,  Drejtoria  e përgjithshme e policisë nisi një hetim që çoi në arrestimin e shtatë kriminelëve grekë dhe shqiptarë. Ata akuzohen për vrasje të mbetur në tentativë ndaj Papës dhe sipas dokumenteve të siguruara nga “Kathimerini” e gjithë ngjarja përbën anatominë e një vrasje me pagesë.

Në orën 20:00 me 26 shkurt, 34-vjeçari po ecte në kryqëzimin e rrugëve Mihail Voda dhe Agorakritou, kur disa persona qëlluan nga një taksi në drejtim të tij. Ai u qëllua në këmbë dhe në shpatullën e majtë. Të dy autorët fillimisht u larguan me një taksi dhe më pas shkuan në drejtime të ndryshme, por lanë dy pistoleta dhe sende të tjera në taksi.

Shoferi i taksisë, ai tha se njërin nga autorët e mori në rrugën Iulianu. Ai gjithashtu dëshmoi se i riu, duke pretenduar se po kërkonte qenin e tij, i kërkoi atij të shkonte në qendër. Rreth 15 minuta më vonë,  një person tjetër hipi në taksi.

Ata  shkuan nga Paleo Faliro në Kifissia, para se të ktheheshin përsëri në rrugën Aharnon. Gjatë një ndalese në një kioske, një person i tretë hipi në taksi, i cili u dha dy armë 2 personave që ndodheshin tashmë në taksi në sedijen e pasme.

Në dëshminë e tij, shoferi i taksisë tha “Ne u nisëm për në rrugën Pipinou, duke ecur deri në vendin ku u dëgjuan të shtënat.  Papritmas ata bërtitën” ndalo”dhe pas duke hapur dritaren prapa sedijes së shoferit, të dy filluan të qëllonin në të njëjtin drejtim.

Ata qëlluan më shumë se pesë plumba dhe menjëherë ma vunë armën në kokë duke më thënë nisu. Më detyruan të nisesha për në Rrugën Pipinou dhe më pas në Sheshin Attiki. Në semaforin e parë në rrugën Liosion, më thanë të nisesha për në aeroport.

Lexo edhe :  Itali, kapet kontejneri me më shumë se 1 ton kokainë

Në atë moment kuptova se një makinë patrullimi po më ndiqte duke më bërë shenjë që të ndaloja.

Pjesa tjetër e ngjarjes u përshkrua nga vetë Aris Papa.  Ai tha se një mik i tij nga shkolla me pseudonimin Orlando i kërkoi të takohej në orën 8 në kishën e Shën Panteleimonit. Së bashku me Orlandon, me ta ishte edhe një person tjetër i quajtur Ani dhe se të gjithë shkuan në rrugën Lisandru për të konsumuar hashash.

“Në më pak se tre minuta, një taksi kaloi para meje dhe  filluan të qëllonin menjëherë.” Dy “miqtë e mi” më lanë  dhe u larguan në drejtim të kundërt. Ata nuk qëndruan dhe as nuk u kthyen për të parë nëse unë isha mirë, gjë që më bëri të mendoj se ata mund të jenë të përfshirë në atentatin kundër meje, ” tha ai në polici.

Gjithashtu 34-vjeçari Aris kishte veshur një jelek antiplumb dhe ishte i armatosur me një pistoletë Baikal të prodhuar në Turqi. Për shkak të atentateve të mëparshme kundër tij, ai e dinte më mirë se kushdo se jeta e tij ishte në rrezik, raporton abcneës.al

Arrestimet

Më në fund hetimi mori fund me 13 mars dhe policia arrestoi 5 të dyshuar për atentatin ndaj shqiptarit. Tre nga të arrestuarit akuzohen se janë përfshirë në komplotin për të vrarë Papën. Pjesa tjetër thuhet se janë përfshirë në  trafik droge në qendër të Athinës.

Në një nga dëshmitë më të reja rreth atentatit të Papës thuhet se autori i vrasjes u arratis me taksi. Papa ishte akuzuar më parë për vrasje dhe trafik droge dhe një nga skenarët e mundshëm dhe që po shqyrtohet është se ai u vra nga rivalët  sepse ai donte të formonte grupin e tij në tregtinë e kanabisit dhe kokainës.

Burime të tjera nxjerrin në pah se ngjarja ndodhi për shkak të hetimit për vrasjen e Rentit në 2012 dhe lidhja që Papa dyshohet se kishte me policinë greke në atë kohë.

 


Të fundit

Media greke analizon vrasjen e shqiptarit në mes të Athinës

Gazeta greke “kathimerini” ka analizuar vrasjen e shtetasit shqiptar. Të dielën e kaluar, 34-vjeçari Aris Papa, po pinte kafe...

Takimi i Juristëve në Diasporë, Majko bën thirrjen: Angazhimi i përbashkët dhe një koncept që do të jetë në interes për Shqipërinë

Ka nisur këtë të hënë Takimi i Juristëve në Diasporë, ku bëhet prezantimi i rrjetit të profesionistëve, angazhimi i profesionistëve në fushën e drejtësisë...

Shpërthejnë oxhaqet e termocentralit bërhamor në Angli, tmerrohen banorët

Në Angli, shpërthimi i kontrolluar i katër oxhaqeve të një termocentrali bërthamor të mbyllur ka alarmuar njerëzit përreth. Mediat angleze shkruajnë se afër ngjarjes...

Armina Mevlani festoi ditëlindjen, publikohen pamjet nga festa madhështore ‘nënujore’

Një ndër blogeret më të njohura, Armina Mevlani festoi dje 30 vjetorin e lindjes me një super festë që do ta mbajë mend gjatë....

Vrasja e Kudret Saliajt/ Djali: Mami më ka thënë do të mbys me litar, i kisha parë mesazhet

Detaje të reja dalin në dritë lidhur me ekzekutimin e Kudret Saliajt, i cili u vra nga vjehrri i tij. Dhurata Saliaj, e akuzuar si...

Lajme të tjera

Web TV