Kryeministri i vendit, Edi Rama, ka publikuar një foto në “Instagramin” e tij, krahë për krahë me homologun kosovar, Albin Kurtin.
Shihen teksa pozojnë të përqafuar e të buzëqeshur, teksa në sfond të dy liderëve shfaqet edhe kryeministri i Maqedonisë së Veriut, Zoran Zaev.
Foton, Rama e ka shoqëruar vetëm me një përshkrim të shkurtër; Shqipëri dhe Kosovë, pasi mesa duket të dy kanë lënë pas mosmarrëveshjet që kanë pasur në të shkuarën.
Shqipëria ishte këtë herë mikpritësja e samitit të radhës të liderëve të Ballkanit Perëndimor i cili u zhvillua në Pallatin e Brigadave. Në këtë samit morën pjesë liderët e Kosovës, Serbisë, Maqedonisë së Veriut, Malit të Zi dhe Bosnje Hercegovinës.
Samiti u drejtua nga Kryeministri shqiptar, Edi Rama dhe Komisioneri për Zgjerimin, Oliver Varhelyi. Ky Samit është shumë i rëndësishëm pasi vjen vetëm 2 javë para vendimit të pritshëm në Bruksel për nisjen e negociatave për Shqipërinë dhe Maqedoninë e Veriut.
