Detaje të reja kanë dalë në dritë nga grabitja e dhunshme në Glyka Nera, ku si pasojë humbi jetën 20-vjeçarja Karolinë, por fatmirësisht mundi të shpëtonte vajza e saj 11 muajshe dhe burri i saj.
Gazetarja Angeliki Nikolouli, në një emision televiziv, mbrëmjen e djeshme, me ndihmën e ekspertëve bëri live ekspertizën e videos nga kamerat e sigurisë, që regjistruan makinën e errët, e dyshimtë që po ecte atë natë pranë shtëpisë së çiftit dhe aty janë përqendruar edhe autoritetet.
Po ashtu edhe presidenti i Federatës Panhelenike të Oficerëve të Athinës, Giannis Katsiamakas ka bërë një hetim në lidhje me ngjarjen dhe ka thënë se automjeti i dyshimtë është BMW E36 ose E39, me fenerë të rrumbullakët dhe drita të vogla dhe sipas tij, të njëjtin lloj automjeti përdorin kriminelët shqiptarë në sulmet e tyre, shkruajnë mediet greke.
E vetmja makinë që nuk është identifikuar deri në këto momente është BMW me ngjyrë të errët, e cila u zhvendos në afërsi të vendit të grabitjes dhe u arratis nga Avenue Lavriou në drejtim të Agia Paraskevi.
