Nis sot gjyqi i nënës që vrau pesë fëmijët e saj në shenjë hakmarrjeje ndaj të shoqit.
Ngjarja e rëndë ndodhi një vit më parë në Gjermani.
Shtatorin e kaluar Melina një vjeç, Leoni 2 vjeç, Sophie 3 vjeç, Timo 6 vjeç dhe Luca 8 vjeç u gjetën të vdekur në shtretërit e tyre, të mbështjellë me batanije dhe peshqirë.
Nëna e tyre, asokohe 27-vjeç Christiane K., u përpoq t’i jepte fund jetës menjëherë pas veprimit të saj, duke u hedhur në hekurudhat e stacionit të trenit në qytetin Gjerman por mbijetoi.
Sipas Deutche Welle 28-vjeçarja përballet sot me akuzën e vrasjes së pesë nga gjashtë fëmijëve të saj. Kujtojmë se djali i saj i madh shpëtoi nga duart e nënës së tij dhe iu drejtua gjyshes për të kërkuar ndihmë.
Christiane K. insiston se është e pafajshme. E pandehura pohon se një burrë i maskuar hyri në shtëpinë e saj dhe vrau fëmijët.
Nga ana tjetër policia e përjashton mundësinë të ketë ndodhur diçka e tillë “Sigurisht që ne bëmë të gjitha hetimet e nevojshme, por nuk gjetëm asgjë për të mbështetur faktin, siç përshkruhet nga e pandehura,” thotë njëri prej policëve.
