Avokati i 32-vjeçarit Babis Anagnostopulos tha se klienti i tij është penduar për krimin e rëndë që kreu, duke mbytur të shoqen Caroline një muaj më parë në sy të fëmijës.
Sipas avokatit, 32-vjeçari kërkon një dënim shembullor për veten nga drejtësia. Pritet që ai të mbërrijë në Prokurori për t’u njohur me urdhrin e arrestit pas pranimit të krimit ditën e djeshme.
Ishte vetë 32-vjeçari që tha se i kishin grabitur shtëpinë një muaj më parë dhe më pas autoritetet gjetën të pajetë 20-vjeçaren.
Kujtojmë se për një muaj rresht autori deklaronte se vrasësit ishin shqiptarë dhe gjeorgjianë. Megjithatë ditën e djeshme ra poshtë çdo hipotezë e tillë pasi ai pranoi se e kishte mbytur vetë gruan e tij.
