Kompania e sigurimeve “SIGAL UNIQA Group Austria” zhvilloi këtë të shtunë Takimin Rajonal të grupit. Në fokus të këtij takimi ishte analiza financiare të tre kompanive SIGAL UNIQA në Shqipëri-Kosovë-Maqedoni e Veriut, sfidat dhe ndryshimet që solli pandemia e Covdi 19 si dhe objektivat për 6-mujorin e dytë të vitit 2021 dhe objektivat më afatgjatë për vitin 2022.
Në analizën financiare, CEO i SIGAL UNIQA për tre shtetet, z. Avni PONARI, vuri në dukje ndikimin që pandemia pati në sektorin e sigurimeve. Siç bën me dije kompania, përgjatë mbylljes së 3 vendeve, sigurimet patën një rënie të ndjeshme, por menjëherë më pas filloi rimëkëmbja, duke arritur përgjatë këtij viti sërish në nivelet e para pandemisë.
SIGAL UNIQA ishte e vetmja kompani, e cila, edhe pse ka paguar dëmet më të mëdha të tregut, dëme që erdhën si pasojë e dy tërmeteve të 2019-ës që u shtrinë përgjatë 2020-ës si dhe të dëmeve që erdhën si pasojë e pandemisë nga Covid 19 duke paguar të gjitha kërkesat për dëmshpërblim të klientëve të siguruar më shëndet privat, sërish SIGAL UNIQA ka ruajtur qëndrueshmërinë e saj financiare. Kompania ka kryesuar tregun, me një diferencë të madhe nga kompania që renditet e dyta pas saj. Në total SIGAL UNIQA shpërbleu dëme në vlerën e më shumë se 20 milionë eurove, në më pak se 2 vjet. Ndërsa duhet përmendur fakti se ishte e vetmja kompnai në Shqipëri dhe rajon e cila hodhi në treg sigurimin nga Covid 19, me një çmim simbolik por me përfitime të mëdha për qytetarët.
