Ushtria amerikane kreu sulme ajrore kundër milicive të mbështetura nga Irani në zonën kufitare Irak-Siri.
Pentagoni tha përmes një deklarate se presidenti Joe Biden urdhëroi sulme ajrore “mbrojtëse” në objektet operacionale dhe të magazinimit të armëve, që përdoren nga milicitë, në dy lokacione në Siri dhe në një në Irak.
Ende zyrtarisht nuk është bërë e ditur nëse ka pasur viktima nga këto sulme, por sipas agjencisë së lajmeve AFP, Vëzhguesi Sirian i të Drejtave të Njeriut tha se pesë luftëtarë të milicive u vranë dhe disa të tjerë u plagosën në Siri.
Sulmet ajrore u kryen pasi zyrtarët kurdë irakianë thanë më 26 qershor se katër dronë, të ngarkuar me eksplozivë, goditën lokacione jashtë kryeqytetit të rajonit gjysmë-autonom, Arbil.
