Një incident i rëndë dhune ka ndodhur në Turqi, ku një burrë ka rrahur brutalisht në një lokal ish-bashkëshorten e tij.
Momentet e tmerrit kur gruaja mundohet t’i shmanget dhunës së pakontrolluar të ish-bashkëshortit, i cili e qëllon atë pa mëshirë janë regjistruar nga kamerat e sigurisë së lokalit.
Burrin nuk e ndaloi asgjë, madje as fakti që pranë nënës që ai rrahu fillimisht me një gotë ujë e më pas me thikën që ndodhej në tavolinë, qëndronte në karrocën e saj paqësisht vajza e tyre 4-muajshe.
Burrin nuk e ndalën as qytetarët që ndodheshin në lokal, të cilët sapo konstatuan ngjarjen vrapuan menjëherë për të ndihmuar gruan e pafuqishme, por ai në mënyrë të pakontrolluar qëlloi edhe ata, pa marrë parasysh asgjë.
Ngjarja zgjati vetëm pak sekonda, e më pas burri me vrap u largua nga lokali ku kishte lenë disa të plagosur.
Policia e arrestoi atë menjëherë.
