Presidenti i SHBA-së, Joe Biden tha në një deklaratë se ka ende shpresë se mund të ketë të mbijetuar nën rrënojat e ndërtesës 12 katëshe që u shemb javën e kaluar në Miami.
Teksa foli me familjarët e personave që vdiqën dhe atyre që janë të zhdukur, ai tha se ata po kalojnë “një ferr” dhe se fondet federale për përpjekjet e shpëtimit do të vazhdojnë dhe për një muaj.
Ai tha se ishte thelbësore që të gjendej shkaku i shembjes.
Deri më tani janë nxjerrë 18 trupa të pajetë, por vijojnë ende të jenë të zhdukur 145 të tjerë.
Përpjekjet për shpëtim rifilluan sërish të enjten në mbrëmje pas një ndalimi prej 15 orësh mes shqetësimeve në lidhje me stabilitetin e strukturës së mbetur.
