Një aksident i pesëfishtë ka ndodhur mëngjesin e sotëm në qytetin e Durrësit. Sipas informacioneve mësohet se aksidenti ndodhi rreth orës 05:40 të mëngjesin pranë Currilave.
Pesë automjete janë përplasur me njëra-tjetrën, duke pësuar dëme të konsiderueshme materiale. Si pasojë ka mbetur e lënduar një vajzë e re, e cila është transportuar me ambulancë në spital.
Policia ka kryer veprimet hetimore në vendin e ngjarjes dhe po punon për zbardhjen e rrethanave.
