Një 36-vjeçar ka përfunduar në gjykatë, pasi u denoncua nga djali i tij i mitur, vetëm 7 vjeç se e dhunonte gjatë-gjithë kohës kur ishte në gjendje të dehur. Në vendin e gjykatës thuhet se, i mituri jetonte vetëm me të atin pasi nëna i kishte ndërruar jetë kohë më parë.
Ai ka kallëzuar se i ati nuk kujdeset për të, shumicën e kohës shkon i pirë dhe ushtron dhunë fizike ndaj tij. Në këto kushte, ai ushqehej dhe flinte tek fqinjët e tij, pasi ka frikë të shkojë në banesë, kur i ati është i pirë. I mituri ka shpjeguar për oficerët e Policisë Gjyqësore se i ati e ka qëlluar me bishtin e shkopit me të cilin lyen.
Lidhur me këtë kallëzim, i janë marrë deklarimet edhe shtetasit N. T., i cili është shprehur se kujdeset i vetëm për të birin, si dhe nuk e ka qëlluar atë por vetëm e ka këshilluar. Ndërsa sipas tij, ndodh që i biri të flejë tek të afërmit apo fqinjët për shkak se atje ka bashkëmoshatarët e tij dhe ndjen ngrohtëësi.
I janë marrë të dhëna shtetases R. M., e cila është punonjëse për mbrojtjen e fëmijeve, Njesia Administrative nr. 11. Ajo shpjegon se janë telefonuar nga shtetasja A. M., e cila ka thënë se shtetasi N. T., ushtron dhunë fizike dhe psikologjike ndaj të birit, si edhe tregon neglizhencë të theksuar në trajtimin dhe ushqimin e tij. Ata e kanë gjetur fëmijën tek fqinjët dhe ai ka deklaruar vazhdimisht se nuk donte të rrinte me të atin dhe se ishte i frikësuar prej tij.
Gjithashtu, lidhur me këtë rast I janë marrë deklarimet edhe shtetases A. M., e cila ka shpjeguar se 7-vjeçari ka rreth një muaj që rri në shtëpinë e saj, sepse ka frikë të shkojë në banesën e tij prej të atit. Ajo thotë se ky i fundit, shumicën e kohës është i pirë. Ajo nuk e ka parë të dhunojë të birin, por e ka parë që ai e ndiqte me një shkop dhe e ka ndaluar një fqinjë tjetër. /MCN.tv
