Gjykata e Lezhës ka lënë në burg Angri Stafuken, i arrestuar me urdher të Prokurorisë i dyshuar si bashkëpunëtor i vendosjes së një sasie eksplozivi në një objekt në ndërtim në zonen e Ranës së Hedhur në Shëngjin.
Kjo ngjarje ka ndodhur me 19 nëntor të vitit 2020.
Në seancen gjyqësore të zhvilluar me dyer të mbyllura, 21-vjeçari mësohet se i ka mohuar akuzat e ngritura.
Por pavarësisht pretendimeve të tij gjykata pranoi kërkesen e prokurorisë, duke e cilësuar të ligjshem ndalimin e të riut dhe vendosi masen e sigurisë “Arrest në burg”.
Ai akuzohet për veprat penale “Shkatërrimi i pronës me eksploziv”, “Prishja e qetësisë publike”, “Mbajtja pa leje e municioneve luftarake” dhe “Kanosja”
