Kryeqyteti japonez Tokio, ku do të mbahen Lojërat Olimpike, ka shpallur gjendjen e jashtëzakonshme si pasojë e rritjes së rasteve të reja me koronavirus.
Vetëm të mërkurën, në vend u raportuan 2,180 raste të reja me covid-19 ,rreth 920 prej tyre ishin në Tokio.
Kryeministri i vendit Yoshihide Suga tha në një konferencë për mediat, se kufizimet do të vijojnë deri më 22 gusht. Kryeministri ka bërë vazhdimisht thirrje për shtyrjen apo anulimin e lojërave.
“Duke marrë në konsideratë efektin e varianteve të koronavirusit, nuk duhet të lejojmë që infeksionet të përhapen përsëri në pjesën tjetër të kombit, ne duhet të forcojmë kundërmasat tona,” theksoi kryeministri japonez.
Deklara e shpalljes së gjendjes së jashtëzakonshme erdhi pas takimit të qeverisë me komitetin organizues, dhe kreun e Komitetit Olimpik Ndërkombëtar, Thomas Bach.
Lojërat Olimpike janë planifikuar të mbahen në Tokio më 23 korrik ndonëse do të zgjasin deri më 8 gusht.
Sa i përket Lojërave Paraolimpike ato do të zhvillohen nga 24 gushti deri më 5 shtator.
Në total në Japoni janë infektuar me Covid-19 mbi 800 mijë njerëz ndërsa afro 15 mijë kanë humbur betejën me virusin. /BBC
