UEFA ka hapur një hetim disiplinor ndaj Federatës Angleze të Futbollit, për ngjarjet e ndodhura në finalen e Europianit, në ndeshjen mes Italisë dhe Anglisë në “Wembley”.
Akuzat në drejtim të Federatës Angleze, janë disa, ku përfshihen futja e një tifozi në fushë gjatë ndeshjes, hedhja e sendeve nga tribuna e tifozëve, fishkëllimat gjatë himnit të Italisë dhe ndezja e fishekzjarrëve brenda në stadium.
Për këtë arsye UEFA ka hapur një hetim dhe tashmë Federata Angleze rrezikon dënim, i cili me shumë mundësi do jetë në formën e gjobës, duke iu referuar këtu edhe të kaluarës, kur ka pasur ngjarje të tilla.
Dënimi mund të jetë më i ashpër në rast se UEFA heton edhe ngjarjet jashtë stadiumit, aty ku pas ndeshjes disa tifozë anglezë u panë teksa godisnin pa mëshirë italianët./MCN.tv
