Një turist serb i cili kishte ardhur për pushime në Durrës është mbytur sot në plazh.
Policia bën me dije se 43 vjeçari kishte hyrë në det për t’u larë dhe është mbytur.
“Më datë 13.07.2021, rreth orës 13:00, në lagjen nr.13, Plazh, Durrës, është mbytur duke u larë në det shtetasi serb M. S., 43 vjeç, (pushues)”, njofton Policia.
Grupi hetimor ndodhet në vendngjarje dhe po punon për zbardhjen e rrethanave të ngjarjes.
