Një tjetër ‘denoncim i bujshëm’ i ish-Kryeministrit Sali Berisha me një kërkim të thjeshtë në ‘google’ rezulton një ‘shaka pa kripë’.
Berisha këtë herë ka menduar se ‘ka bërë bingo’ me një denoncim në Facebook-un e tij ku pretendonte se kishte zbuluar një parcelë kanabisi në Shqipëri.
“Nuk është sera e narkopolicisë por ara e narkopartisë”, shkruan Berisha krah fotos.
Por në fakt ara nuk është as e ‘narkopolicisë’ dhe as e ‘narkopartisë’ por e Bosnje Hercegovinës. Një klikim në internet dhe të zbulon një operacion në Bosnjë-Hercegovinë më 29 qershor 2017 ku nga autoritetet atje u kapën 1,300 bimë narkotike të mbjella.