Një automjet është përfshirë nga flakët në orët e para të mëngjesit të kësaj të hëne në dalje të tunelit Tiranë-Elbasan.
Burimet zyrtare bëjnë me dije se automjeti në pronësi të shtetasit O.K 45-vjeç është përfshirë nga flakët në ecje e sipër dhe për pasojë është djegur plotësisht.
Fatmirësisht nuk ka persona të lënduar, ndërsa në vendin e ngjarjes ndodhet grupi hetimor i cili po punon për zbardhjen e plotë të rrethanave.
