Një Lamborghini gri “gjëmonte” autostradës drejt Vlorës, i ndjekur nga afër nga një BMW e zezë.
Kështu e fillon shkrimin media zvicerane Blick.ch, duke rrëfyer për një ngjarje të ndodhur në rrugët e Shqipërisë, në të cilën protagonistë janë dy kosovarë që jetojnë në Zvicër.
Sipas medias në fjalë, makinat luksoze po bënin një garë, duke përshpejtuar deri në 225 kilometra në orë aty ku e lejuar ishte vetëm deri në 100 kilometra në orë.
Në dalje të qytetit, oficerët e policisë ndalojnë makinat me targa Schëyz dhe sipas policisë, në timonin e Lamborghini ishte një kosovar i cili jeton në Zvicër.
Ndërkohë vë në pah Blick.ch, numri i tabelave tregon se bëhet fjalë për një makinë të marrë me qira nga në Schübelbach SZ të Zvicrës.
Megjithatë, pronari i kompanisë nuk ka dashur të komentojë për Blick. Ai ishte me pushime dhe nuk dinte asgjë për një incident të tillë.
Ndërkohë një 37-vjeçar nga Kosova ngiste makinën me BMË dhe makina e tij i përket një kompanie pastrimi në kantonin Schëyz.
Shefi i tyre është gjithashtu me pushime dhe nuk ishte në dispozicion për të komentuar rreth ngjarjes, për Blick.
Si pasojë, në stacionin e policisë, të dy shpejtuesit duhet t’i nënshtroheshin një kontrolli alkooli – dhe të “pajtohen” me një gjobë të rëndë: shoferi i BMË duhet të paguajë 1500 franga zvicerane, ndërsa ai i Lambos rreth 1000 franga zvicerane.
Policia shqiptare shkruajti në një mesazh drejtuar të gjithë atyre që drejtojnë me shpejtësi:
“Të ngasësh automjetin me një shpejtësi të tillë është fatale. Ju rrezikoni seriozisht jetën tuaj dhe të përdoruesve të tjerë të rrugës”.
