Playa de Las Catedrales ose e thënë ndryshe si Plazhi i Katedraleve është një nga atraksionet më të mëdha turistike në Spanjë. Me një ndërthurje të harqeve dhe shpellave të saj të shumta, të cilat mund të shihen dhe eksplorohen gjatë baticës (afërsisht nga ora 10 e mëngjesit deri në 3 pasdite).
Teksa jeni duke medituar krah formave të pamundura të skalitura në shkëmb, ujërat e detit Kantabrian (i njohur gjithashtu si Gjiri i Biskajës) do t’ju shoqërojnë për ta bërë më të larmishëm qëndrimin tuaj.
Plazhi spanjoll ndodhet dhjetë kilometra në perëndim nga qyteti Ribadeo, në provincën e Lugo (Galicia), në bregun e detit Kantabrik. Ujërat e tij janë më të freskëta sesa normalisht, por guximi juaj do të shpërblehet mirë nëse ambientoheni. Përsëri, sigurohuni që të vizitoni vendin gjatë baticës!
Koha më e mirë për të vizituar Plazhin e Katedraleve është gjatë Gushtit, por për të shmangur turmat, nuk është e vështirë të shkosh atje pas orës 20:00, ose herët në mëngjes. E fundit, por jo më pak e rëndësishmja, nëse jeni ndonjëherë në zonë dhe planifikoni të vizitoni këtë plazh të bukur spanjoll, mos harroni aparatin tuaj fotografik!
