Majlinda Kelmendi ka zhgënjyer në Lojërat Olimpike duke u eliminuar që në raundin e parë.
Kampionia e botës në Rio 2016 me Kosovën, kishte përballë rivalen hungareze Reka Pup në kategorinë 52 kilogramë. Pup u tregua më e saktë dhe arriti që të fitonte sfidën në “golden spore” pasi në kohën e rregullt nuk pati fitues.
Të gjithë u habitën me eliminimin e Kelmendit, pasi të gjithë kishin shpresa se ajo do t’ia dilte dhe pritshmëritë ishin të mëdha.
E teksa ndërpritet këtu aventura e xhudistes 30-vjeçare, kujtojmë se Kosova arriti një tjetër sukses historik ditën e djeshme. Kosova fitoi medalje ari në xhudo me Distria Krasniqin në kategorinë 46 kilogramë.
