Kryeministri Edi Rama e ka nisur fjalën e tij në Forumin Ekonomik, që po zhvillohet në Shkup me një kritikë në formën e një batute.
Ai iu drejtua organizatorit të këtij forumi, homologut maqedonas Zoran Zaevit, duke i thënë se shpreson që përkthyesi mos t’i shkatërrojë mesazhin që ai kërkon të përcjellë.
Mesa duket Rama ka kritika për përkthyesin nga hera e kaluar, ku forumi u zhvillua në Ohër. Sipas rregullit të vendosur, kryeministri ka folur në gjuhën shqipe dhe e ka pasur “me merak” përkthimin.
“Do t’ju drejtohem në shqip, sipas rregullit të vendosur dhe shpresoj që këtë herë përkthyesi mos të jetë si herën tjetër Zoran, që ma shkatërroi komplet mesazhin”, tha Rama.
