PD e konsideroi antikushtetues shkarkimin e Metës

Partia Demokratike e Shqipërisë e quajti “sulm antikushtetues të parlamentit jolegjitim” mbi institucionin e presidentit vendimin për shkarkimin e tij. “Ky akt thellon edhe më shumë tiparet antidemokratike të regjimit Rama-Doshi. Ky akt vjen menjëherë pas masakrës zgjedhore dhe grabitjes më të madhe të votave të kryer ndonjëherë”, thuhet në reagimin e PD-së. Në deklaratën për media, PD thotë se “përfaqësuesit e krimit të organizuar në Kuvendin njëpartiak të Shqipërisë nuk mund të jenë kurrë garant të Kushtetutës dhe as nuk mund të marrin vendime në emër të saj. Edi Rama ka përdhosur me qindra herë Kushtetutën e Shqipërisë dhe është ekspozuar përpara çdo shqiptari si armik i demokracisë dhe shtetit ligjor”. Përfundimisht, vendimi i kuvendit për shkarkimin e Metës nga posti i presidentit do të mbetët Gjykatës Kushtetuese, e cila, kur vërteton fajësinë e presidentit të Republikës, deklaron shkarkimin e tij nga detyra.