Zëvendësministri i Mbrojtjes Civile dhe Menaxhimit të emergjencave , Nikos Hardhalias , bëri me dije në një deklaratë shtypi se situata në shtetin Helen është jashtëzakonisht e rrrezikshme.
Zyrtari i lartë grek tha se në vend aktualisht janë 56 vatra zjarri aktive ndërsa shtoi se situata mund të përkeqësohet për shkak të përforcimit të erërave gjatë pasdites.
Në një konferencë urgjente të mbajtur pasditen e sotme , Hardhalias informoi lidhur me gjendjen në frontet e zjarreve duke shtuar se përpjekjet për shuarjen e flakëve vijojnë.
Në gjendje të rënduar ndodhen zonat e Atikës , Evia, Messinia, dhe Fthiotida. Hardhalias nënvizoi se një vatër tjetër zjarri është aktivizuar në Olimpian e lashtë ku janë evakuuar dhe 32 vendbanime.
