Një person është arrestuar dhe dy të tjerë janë shpallur në kërkim ditën e sotme në Durrës, të akuzuar si autorë të disa vjedhjeve në qytetin bregdetar. Bëhet me dije se është arrestuar Hamid Hoxha janë shpallur në kërkim Edmond Neza dhe Kreshnin Shira.
Këta persona, në bashkëpunim me njëri-tjetrin, vidhnin automjete dhe vlera monetare në banesa.
Ata rezultojnë autorë të 11 vjedhje të automjeteve dhe banesave të ndryshme, të ndodhura gjatë viteve 2020-2021, në qarkun e Durrësit.
Më datë 06.08.2021, në Rrashbull, ata janë konstatuar nga shërbimet e Policisë duke drejtuar automjetin tip “Toyota”, i cili rezultoi i vjedhur më datë 03.08.2021. Edmond Neza dhe Kreshnin Shira kanë mundur të largohen gjatë ndjekjes nga shërbimet e Policisë.
Gjatë vitit 2021, dyshohet se ata kanë vjedhur në banesën e shtetasit R. B., në Rrashbull, Durrë, ku kanë marrë 50.000 lekë dhe çelësat e automjetit në pronësi të tij. Gjithashtu dyshohet se kanë vjedhur 3 automjetet tip “Benz”, në pronësi të shtetasve M. R., F. Ç., D. B. dhe automjetin tip “Toyota”, në pronësi të shtetases L. S.
Gjatë vitit 2020, ata se janë autorë të 2 vjedhjeve në banesat e shtetasve E. R. dhe I. Z., ku kanë marrë vlera monetare dhe çelësat e automjeteve përkatëse. Gjithashtu kanë vjedhur automjetet e markave të ndryshme, në pronësi të shtetasve F. H., N. T., R. D. dhe I. Z.
Vijon puna për kapjen e personave të shpallur në kërkim. Materialet i kaluan Prokurorisë së Rrethit Gjyqësor Durrës, për veprime të mëtejshme.
