Më shumë se 3000 ha toke janë djegur si pasojë e flakëve përvëluese që kanë përfshirë Maqedoninë e Veriut ditët e fundit, ndërsa beteja për shuarjen e flakëve vazhdon ende.
Qeveria maqedonase para dy ditësh deklaroi gjendjen e emergjencës për 30 ditë ndërsa deri më tani është shënuar dhe një viktimë.
Në një kohë që përpjekjet për të vënë nën kontroll flakët vazhdojnë, po ashtu ka pasur identifikim të disa rasteve për zjarre vënie të qëllimshme.
Për të vënë në kontroll situatën me zjarret, në ndihmë kanë arritur dhe ekipet zjarrfikëse nga Serbia, Bullgaria, Austria dhe ekipet zjarrfikëse nga Sllovenia dhe një avion C27J i quajtur si “Spartan” nga Rumania.
Në kuadër të nismës ‘ Open Balkan”, Maksuti deklaroi se ka patur diskutime për bashkëpunime edhe me Shqipërinë .
Situata me zjarret në Kosovë është nën kontroll në gjithë vendin, megjithëse disa vatra janë ende të pashuara plotësisht. Kështu ka konfirmuar zëdhënësi në Agjencinë e Menaxhimit Emergjent, Nehat Koçinaj. Vatra te zjarrit ende të pa pushuara plotësisht mbetet e parkut kombëtare Bjeshkët e Rugovës Shtupeç dhe Rajoni i Gjilanit, zjarri në Komunën e Vitisë fshati i ri.
