Plagosja me armë zjarri e çiftit Paluca regjistruar mbrëmë në Tiranë, dyshohet se ka ndodhur për arsye hakmarrje.
Burrë e grua Preng Paluca dhe bashkëshortja e tij Antoneta Paluca janë qëlluar me armë zjarri mbrëmë në Kamez të Tiranës. Policia nuk ka identifikuar akoma autorin e ngjarjes.
Sipas informacioneve të policisë, gruaja është jashtë rrezikut për jetën, kurse burri iu nënshtruar mbrëmë një operacioni kirurgjikal dhe ndodhet në gjendje të rëndë.
Paraprakisht dyshohet se ngjarja ka ndodhur për hakmarrje, por priten detaje të tjera për të hedhur dritë për të.
