Lideri autoritar në Bjellorusi Aleksander Lukashenko, ka mohuar pretendimet se shërbimet e tij të sigurisë kanë qenë të përfshira në vdekjen e disidentit Vitaly Shishov, i cili është gjetur i varur në Ukrainë javën e kaluar.
“Kush ka qenë ai për mua dhe Bjellorusinë? Për ne, ai ka qenë thjesht askush”, u ka thënë Lukashenko gazetarëve, transmeton BBC.
Shishov ka qenë duke organizuar ndihmë për bjellorusët që kanë ikur në Ukrainë nga Lukashenko, i cili ka shtypur protestat e nxitura nga zgjedhjet e manipuluara një vit më parë.
Shtetet e Bashkuara dhe Mbretëria e Bashkuar janë duke zgjeruar masat ndaj Bjellorusisë, duke e goditur me sanksione ekonomike.
Lukashenko dhe ndihmësit e tij veçse janë nën sanksionet e Perëndimit.
Marshet kundër Lukashenkos kanë nisur një vit më parë.
Disa javë të protestave kanë qenë sfida më e madhe për udhëheqësinë 27-vjeçare të Lukashenkos si president.
Vitin e kaluar, policia ka ndaluar mijëra protestues teksa ka tentuar të shuajë protestat me topa uji dhe gaz lotsjellës.
Opozita ka thënë që më shumë se 600 të burgosur politikë janë ende nëpër burgje.
