Një mënyrë jetese e vrullshme, stresi dhe mosha ndikojnë negativisht në kujtesën, por kjo mund të ndryshohet nga konsumi më i madh i erëzave.
Ato janë të pasura me antioksidues që përmirësojnë funksionimin e trurit dhe përparësia e tyre është se janë të lira dhe mund t’i shtoni në çdo pjatë.
Origano
Një lugë çaji origano të thatë përmban më shumë antioksidues sesa një filxhan boronica, të cilat njihen si ushqim për trurin. Ato ngadalësojnë humbjen e kujtesës dhe përshpejtojnë punën e trurit.
Përveç kësaj, origano përmban sasi të mëdha të vitaminës B6, e cila përmirëson rrjedhën e oksigjenit në tru, zvogëlon presionin e lartë të gjakut dhe i jep trupit më shumë energji.
Shafrani
Kjo erëz është një aleat kryesor i qelizave të shëndetshme të trurit që ndihmon në rinovimin e tyre, transmeton KP.
Antioksiduesit në shafran i Indisë stimulojnë qelizat burimore të trurit të quajtura NSC që më vonë kthehen në neurone dhe luajnë një rol të rëndësishëm në shërimin e trurit pas sëmundjes ose goditjes në tru.
Kjo erëz parandalon akumulimin e pllakës në enët e gjakut dhe mundëson një rrjedhje më të mirë të oksigjenit në tru.
Kanella
Përveç rritjes së rrjedhës së oksigjenit në tru, kanella ul nivelin e sheqerit në gjak. Kjo erëz është e pasur me vitaminë B, e cila përmirëson punën cerebrale. Studimet kanë treguar se njerëzit që nuhatën kanellë treguan rezultate më të mira në testet e përqendrimit, kujtesës dhe shpejtësisë së reagimeve mendore.
Borziloku
Eliminon lodhjen mendore, përmirëson përqendrimin dhe kujtesën dhe fshin pasojat negative të stresit. Kjo zvogëlon rrezikun e imunitetit të dobësuar, dhe kështu të problemeve njohëse, shkruan All Ëomen Stalk.
Sherbela
Kjo erëz, si kanella, përmirëson kujtesën dhe përqendrimin, veçanërisht te të moshuarit. Sherbela parandalon zhdukjen e acetilkolinës, një substancë që shoqërohet me kujtesën dhe vëmendjen.
Xhenxhefil
Redukton në mënyrë drastike proceset inflamatore në trup që mund të zvogëlojnë aftësinë e trurit për të përpunuar informacionin. Kjo erëz përmirëson funksionin e trurit dhe ngadalëson plakjen.
Një studim tajlandez mbi gratë e moshës 50-60 vjeçare që rregullisht merrnin xhenxhefil për gjashtë muaj konfirmoi se funksionet e tyre njohëse dhe kujtesa u përmirësuan dukshëm.
