Aktorja e njohur Christina Applegate ka njoftuar se është diagnostikuar me sklerozë të shumëfishtë.
49-vjeçarja tha në një postim në “Twitter” se ishte diagnostikuar “disa muaj më parë”.
“Ka qenë një udhëtim i çuditshëm. Por unë jam mbështetur aq shumë nga njerëzit,” shkroi Applegate. “Ka qenë një rrugë e vështirë. Por siç e dimë të gjithë, rruga vazhdon. Nëse nuk e bllokon ndonjë gomar.”
Skleroza e shumëfishtë prek sistemin nervor qendror dhe konsiderohet një sëmundje autoimune, në të cilën sistemi imunitar sulmon qelizat e veta të shëndetshme.
Nuk ka shërim për sklerozën e shumëfishtë, e cila shpesh quhet MS, por shumë njerëz janë në gjendje të menaxhojnë simptomat e tyre dhe të përshtaten me stilet e reja të jetesës pas diagnozës./MCN.tv
