Transferimi i Leo Messit tek Paris Saint Germain ishte jo vetëm lëvizja më e bujshme e kësaj merkatoje verore, por ndoshta e gjithë historisë së futbollit.
Gjashtë herë fituesi i Topit të Artë (Pretendent kryesor edhe per te 7-tin) u largua nga Barcelona pas 21 vitesh aty ku u rrit dhe bëri historinë si lojtari më i mirë i klubit dhe ndoshta më i miri i botës.
PSG e afroi menjëherë në ekip, argjentinasin si për ti vënë yllin në majë ‘pemës së merkatos’ e cila këtë merkato është stolisur edhe me blerje të tjera ‘Big’ si Donnaruma, Hakimi, Ramos apo edhe Ëijnaldum.
Në Paris dje ishte “Messi day” ose thënë ndryshe dita e Messit me pleshtin që zbarkoi në kryeqytetin francez, kreu vizitat mjekësore dhe hodhi të zezën mbi të bardhë krah sheikut Al-Khelaifi.
Messi hyri edhe në stadiumin Parc De Prince aty ku veshi mbi supe edhe fanellën e re, me numër 30. Është pikërisht ky numri i zgjedhur nga argjentinasi për këtë sezon, që duket se po ndjek të njëjtat hapa që ndoqi edhe me Barcelonën. Argjentinasi në fillimet e tij tek katalanasit, mbante mbi supe numrin 30, për të kaluar më pas tek numri 19, e më pas tek numri 10.
View this post on Instagram
