Një turist britanik i cili shkoi për pushime në Afganistan ka mbetur i tronditur nga ngjarjet e fundit, por komplet i lehtësuar pasi ishte pjesë e avionit që mori qindra afganë.
Miles Routledge, 21 vjeç, filmoi veten të ulur në bordin e avionit gjigant, duke thënë se ndodhej aty vetëm falë Ushtrisë Britanike, dhe si rrjedhojë arriti të shkojë shëndoshë e mirë në Dubai.
Anglezi, që duket në video që ka veshur një jelek shpëtimi, shkruajti në Facebook: “Mbërrita në Dubai falë punës së mrekullueshme të Ushtrisë Britanike. Çdo gjë është ok”.
Routledge më herët deklaroi se ai u vu nën mbrojtjen e Kombeve të Bashkuara pas dyndjes së talebanëve në kryeqytetin afgan.
Sot, studenti anglez foli për BBC duke përshkruar ngjarjen e tmerrshme që kishte përjetuar për t’u arratisur nga Kabuli.
Qindra afganë u përpoqën dëshpërimisht të arratiseshin nga Kabuli pasi të zotët e vendit tashmë janë talebanët.
