Një zyrtar i lartë taleban ka akuzuar perëndimin se po kërkon që të krijojë panik dhe kaos në Afganistan, pas marrjes së pushtetit. Amir Khan Mutaqi ka deklaruar se SHBA-ja po përpiqet që të fsheh humbjen e saj duke krijuar një “dramë evakuimi”.
Ndonëse në media janë shpërndarë pamje ku shihen njerëz që dhunohen, rrihen me kamxhik, talebanët vijojnë të thonë se kanë ardhur aty në paqe, e ndërsa Amir Khan Mutaqi shtoi se çdo vendim merret për të mirën e Afganistanit. Madje, ai shtoi se talebanët janë në bisedime me të gjithë për të arritur një marrëveshje të re për qeverinë e ardhshme.
Ndërkohë sipas një zyrtari të NATO -s deri më tani kanë humbur jetën të paktën 20 persona gjatë tentativës për tu larguar nga aeroporti i Kabulit, pasi talebanët morën kontrrollin në vend.
