“Ne do ta mbrojmë Hungarinë nga kriza e emigrantëve”. Kryeministri hungarez, Viktor Orban, është shfaqur i prerë lidhur me refugjatët afganë, në një intervistë për një radio, të publikuar në faqen e tij në Facebook.
Sipas Orban, refugjatët duhet të mbahen larg nga rajoni. Në këtë pikë, sipas Orban, është shumë e rëndëishme mbështetja e Turqisë – e cila do të ketë një rol “themelor” – dhe vendeve të Ballkanit për të parandaluar hyrjen e emigrantëve në Bashkimin Evropian.
“Ngjarjet në Afganistan janë dramatike, por ne nuk duhet të përsërisim gabimet e vitit 2015. Njerëzit që largohen nga vendi duhet të ndihmohen nga shtetet fqinje”.
Edhe kancelari austriak është shprehur kundër pranimit të afganëve.
“BE-ja duhet të mbrojë kufijtë e saj të jashtëm dhe të luftojë emigracionin ilegal dhe trafikantët e qenieve njerëzore ”, shkroi kancelari austriak Sebastian Kurz në Twitter.
“Austria – shton ai – ka mirëpritur 44 mijë afganë. Ne kemi një nga komunitetet më të mëdha afgane për frymë në botë, pas Iranit, Pakistanit dhe Suedisë. Ka ende probleme të mëdha me integrimin dhe prandaj ne jemi kundër shtimit të refugjatëve të tjerë”./MCN.tv
