Policia amerikane ka arrestuar një çift nga Virxhinia në SHBA për vdekjen e foshnjës së tyre të sapolindur. Mbi çiftin rëndojnë akuzat e abuzimit ndaj të miturit dhe neglizhencë.
Matthew dhe Elizabeth Sebolka u arrestuan të hënën në Richmond.
Policia u thirr nga një spital, më 30 korrik pas pretendimeve se një foshnje kishte dëmtime të shumta. Fëmija 10-ditëshe kishte shenja dhune në trup, frakturë në kokë si dhe shenja që dëshmonin se ishte mbytu.
Kur efektivët e policisë morën në pyetje babain e foshnjës ai pohoi se pati lënë fëmijën në ulësen e makinës dhe shkoi në tualet duke fajësuar macen e cila ishte ulur në fytin e fëmijës. Më pas lajmëroi të ëmën e foshnjës e cila vuri re se vajza kishte irritim të lëkurës dhe sy të enjtur. Më pas ata thanë se e çuan fëmijën në spital. Foshnja 10-ditëshe ndërroi jetë më 10 gusht. Ekspertiza mjekoligjore tregoi se fëmija ishte vrarë.
