Futbollisti i Manchester City, Benjamin Mendy është arrestuar së fundmi nga policia britanike. Mbi mbrojtësin francez, rëndon akuza për 4 raste përdhunimi të femrave mbi 16 vjeç.
Gjithçka raportohet të ketë ndodhur gjatë periudhës tetor 2020 deri në gusht të këtij viti. Pas kësaj, Mendy, i cili në vitin 2018 fitoi Botërorin me Francën, është arrestuar dhe do të qëndrojë në paraburgim deri në zbardhjen e plotë të ngjarjes.
Pas kësaj ka reaguar edhe klubi i Manchester City, që bën të ditur se ka pezulluar lojtarin pa një afat. Gjithashtu edhe në një reagim të policisë, thuhet se lojtari do të dalë para gjykatës këtë të premte dhe do të mësojë masën e marrë ndaj tij.
