Të paktën 5 ushtarë kanë mbetur të vdekur pas një seri shpërthimesh në një depo me municion në Kazakistan. Lajmi është konfirmuar nga Ministri i Mbrojtjes, Nurlan Yermekbayev.
Ai ka thënë për mediat se ushtarët u vranë teksa po përpiqeshin të vendosnin në kontroll situatën. Gjithashtu ka raportime për disa të zhdukur.
❗?? In Kazakhstan, an explosion occurred in a military unit – the Ministry of Defense of the Republic.
An explosion in Kazakhstan’s Taraz occurred due to a fire near one of the warehouses in a military unit, the Ministry of Defense of the republic reports. pic.twitter.com/ay1TNvD2gc
— The RAGEX (@theragex) August 26, 2021
“Ne nuk përjashtojmë mundësinë e shkaqeve të ndryshme. Kjo mund të jetë një çështje e rregulloreve të sigurisë, një shpërthim spontan të zjarrit ose një reaksion kimik. As zjarrvënia dhe sabotimi nuk përjashtohen”, theksoi ministri.
Shpërthimi në Taraz ndodhi më 26 gusht dhe Ministria e Mbrojtjes njoftoi se një zjarr kishte shpërthyer më parë në një magazinë ushtarake.
Sipas informacionit të zyrtarëve, më shumë se 500 tonë TNT u vendosën në magazinën ku ndodhi shpërthimi. Përveç katër ushtarëve të vrarë, të paktën 90 të tjerë u plagosën.
Duke pasur parasysh rrezikun e shpërthimeve të mundshme të reja, autoritetet kanë urdhëruar evakuimin e 1,200 banorëve që jetojnë pranë magazinës dhe ata tani janë vendosur në shkollat në Taraz.
