Një ngjarje e rëndë ka tronditur futbollin bullgar dhe jo vetëm. Trajneri i ekipit Botev, Ivan Rancev, ka humbur jetën pasi është goditur nga një rrufe .
Në një ndeshje kontrolli të skuadrës së Botev në Bullgari nisi një shi i madh me vetëtima që rezultoi fatal për trajnerin vendas. Rançev u godit nga rrufeja në orën 18:40 të pasdites, duke mbetur i shtrirë në tokë.
Disa mjekë që ishin prezent ndërhynë menjëherë, por konstatuan vetëm ndarjen nga jeta të trajnerit Rançev. Vetëtimat goditën gjithashtu edhe një futbollist, por gjendja e tij paraqitet e stabilizuar.
