“Na duhet një forcë e re”, Rama nuk kursen kritikat: Partia nuk zgjohet vetëm kur vijnë zgjedhjet

113 563 lexime

124,178FansaPëlqeje

Kryeministri i Shqipërisë, Edi Rama gjatë fjalës në Asamblenë Kombëtare të PS nuk ka kursyer kritikat ndaj të vetëve për hapjen e partisë.

Rama thotë se 5 mijë e 500 organizatat e PS në gjithë vendin duhet të hapin dyert për çdo qytetar, dhe jo vetëm për të dhënë e marrë punë shteti për veten e kushërinjtë.

Ai gjithashtu ‘alarmoi’ të vetët se partia nuk zgjohet vetëm kur vijnë zgjedhjet, ndërsa mes zgjedhjeve të mbahet gjallë si moçal për interesa të të privilegjuarve.

Për Ramën, rezultatet e hapjes së partisë nuk janë në nivelet që pretendohet dhe gjithmonë për këtë ka justifikime që e kanë shtyrë në kohë.

‘’Asnjëherë skam qenë më i trazuar pas një fitoreje se kësaj here. Jo se sfidat e mëparshme kanë qenë të lehta, dhe të nesërmen e fitores kam parë fusha me lule. Sa më shumë gara fiton, aq më shumë rrezikon të humbasësh sensin e vetëkorrigjimit.

Kjo sfidë e re më të madhen e vështirësive, ka vështirësitë e të kuptuarit, besuarit, adresimit me të gjitha forcat të nevojës për t’u përmirësuar më tutje. Si individ, skuadër, familje politike.

Dehja nga fitoret, prirja vetëpëlqimit, rënia e dëshirës për të përmirësuar, shpërfillja ndaj dobësive, boshllëqet, shurdhimi ndaj kritikave janë tipare karakteristike të fituesve që kthehen

Të ngulim këmbët në tokë e shtrijmë sytë në horizont. Kjo që kemi përpara është koha që ne të gjejmë fuqi të reja për të parë veten, skuadrën tonë si kolektiv, për ta parë fitoren tonë me sy kritik.

Na duhet një forcë e re, pasion i ri politik, kapërcim i vetvetes për ta ngjitur më lart Shqipërinë. Të gjejmë për të ngulmuar edhe më fort në punën tonë duke korrigjuar sa më parë të jetë e mundur, sa më shumë të jetë mundësia gjithçka kemi konstatuar apo konstatojmë se nuk shkon.

PS duhet të bëhet një komunitet që jeton me aspiratën, aspiratën e madhe për t’i sjellë Shqipërisë drejtësi e mirëqënie, çdo ditë e më pak një ngrehinë për organizata ku shkon të merret për të marrë punë në shtet, apo dilet për të përplasur derën.

5 mijë e 500 dyert e organizatave tona në Shqipëri duhet të bëhen 5 mijë e 500 dyer të hapura mundësisht për qindra mijëra njerëz për të kultivuar qytetarinë demokratike.

Mendimin dhe aktivizmin politik. Vullnetarizmin e solidaritetin social. Për të debatuar tema me interes publik. Për të ndarë tema e shqetësime për komunitetet përkatës e Shqipërisë, dhe jo për të marrë e dhënë punë shtet për vete e kushërinj.

Kemi bërë shumë përpjekje, jemi nisur shumë herë drejt këtij qëllimi, fushata hapjeje, ture anë e kënd, borde qytetare pranë PS< riorganizime e ri riorganizime të rinisë, grave, partisë, sisteme aktivizimi dhe ndërverpimi dixhital, këshilla politik rajonesh, vendime, ristrukturime, qarkore për më shumë qytetari e meritokraci, më pak letargji e burrokraci në kohën jozgjedhore.

Lexo edhe :  Rama ndan pamjet nga eventi në Romë: Shqipëria u prezantua si destinacioni i 2025

Përmirësimet kanë qenë të pamjaftueshme, fatkeqësisht rezultatet jo në lartësinë e duhur janë justifikuar gjithmonë njësoj ndërkohë që vitet kalojnë, duke thënë jo po sështë kollaj të gjesh njerëz të rinj, jo po mos i prishim ekuilibrat se po vijnë zgjedhjet, mos i ngarkojmë njerëzit, jo po na mërziten ata poshtë, jo po nuk afrohen njerëzit po nuk u then punë shtet, jo po kur s’ka punë kryetari i organizatës nuk i vjen mbrapa. Jo po rinia është indiferente dhe nuk do punë partia, jo po tek zona ime s’duan gra, jo po statute, udhëzimi, kryebashkiaku, ministrja, jo po dua mbështetje nga lart, jo po ç’na duhet sherre nga poshtë, jo po ç’deshi ai te zona ime, jo po nuk e du ate lagjia ime, jo po ai pi kafe te lokali i PD, jo po ajo ia la lokalin LSI. Patjetër që nuk është e lehtë, të harrosh një qëllim kaq themelor për shëndetin e një partie politike si e jona, për vlerën e kapitalin njerëzor e një partie politike, për gjykimin nga publiku siç është qëllimi i transformimit të vazhdueshëm të partisë në një komunitet të gjallë vlerash e zhvillimesh shoqërore, është sit ë pajtohesh qorrazi me vetëkyçjen brenda një rrethi vicioz.

Sukses afatgjatë do të thotë hapja përtej çdo individi. Duke u bërë bisht dhimbjeve të mëdha të kokës që arrin arritja e këtij qëllimi, partia merret peng nga qerthulli i mbyllur, rrethet e privilegjuara, agallëku provincial në komunitet, figurat e konsumuara apo pacilësitë e nevojshme për t’u thënë të tjerëve një mesazh me figurën e tyre në krye të organizatave e deri në krye të Asambleve të Bashkive në jo pak raste. Gjithë organizmi ekspozohet prej gjëndrave malinje që zhvillohen sepse shtyhet pafundësisht në kohë kura e duhur. Gjithmonë me justifikim nuk është ky momenti. Kjo incerci vetëmjaftueshmërie, mungesa e sinergjisë me komunitetin, flas në kohën mes dy fushatave, shtrirja e pafundme e përballjes me problemin thelbësor të një kapitali kaq të çmuar në jetën publike shqiptare si PS, jo vetëm ul cilësinë politike, por edhe më e rëndë, bën politikën, dhe ne kemi kontributin tonë fatkeq, ngjajmë me një cirk pelivanësh e duket si një punë çakejsh të rinjve e ndihen larg politikës. Partia nuk zgjohet vetëm kur vijnë zgjedhjet, e as mund të mbahet gjallë si moçal interesash të rretheve të privilegjuara në komunitetet e vendit. E vërteta e hidhur, pavarësisht dallimeve me PD, pasqyra e partive shqiptare në pushtet qysh prej 30 vjetësh në sytë e komuniteteve të Shqipërisë ngjan si një copë e filmit Koncert në vitin 36. ‘’- tha Rama.

Të fundit

Karriera e saj muzikore, Aurela Gaçe: S’më janë bërë gjërat me një kërcitje gishtash

Aurela Gaçe ka rrëfyer shumë detaje në ‘Ftesë në 5’ pasditen e sotme. Ajo ka treguar për lidhjen e ngushtë...

Mbi 500 mijë euro në ditë!Ronaldos i propozohet kontrata e çmendur në Arabinë Saudite

Kristiano Ronaldo do të vazhdojë të jetë lojtari më i paguar në botë, me një diferencë të thellë me të gjithë të tjerët, kur...

Kjo është koha më e mirë për stërvitje, për të kontrolluar nivelet e sheqerit në gjak

Kontrolli i niveleve të sheqerit në gjak është shumë më i rëndësishëm për ruajtjen e shëndetit të përgjithshëm, veçanërisht për njerëzit që jetojnë me...

Krimi shqiptar po rritet, përdorin teknologjië/Fransen: Paratë kalojnë nga Emiratet Arabe

Në një intervistë të rrallë, kryeprokurorja belge Ann Fransen ka ndarë informacion në lidhje me luftën kundër krimit të organizuar, duke përfshirë edhe bashkëpunimin...

Aksident në autostradën “Levan-Tepelenë”, plagosen burrë e grua

Një aksident ka ndodhur disa minuta më parë në autostradën Levan -Tepelenë, në vendin e quajtur “Kthesa e Fratarit.” Si pasojë e përplasjes kanë mbetur...

Lajme të tjera

Web TV